Tarixda topilgan yoki mavjudligi haqida ishonchli ma’lumotlar saqlangan xazinalar orasida quyidagilar eng yiriklari hisoblanadi.

Tutanxamon xazinasi

1922-yilda topilgan ushbu xazina insoniyat tarixidagi eng mashhur arxeologik kashfiyotlardan biri hisoblanadi. Qabrdan 5 mingdan ziyod noyob buyumlar, yuzlab kilogramm oltin va qimmatbaho toshlar topilgan.

Staffordshir xazinasi

2009-yilda Angliyada topilgan mazkur xazina tarkibida 3 500 dan ortiq oltin va kumush buyumlar bor edi. U Britaniya tarixidagi eng yirik anglosakson xazinasi hisoblanadi.

San-Xose galeoni xazinasi

1708-yilda cho‘kib ketgan ispan kemasida ulkan miqdorda oltin, kumush va zumrad bo‘lgan. Ba’zi baholashlarga ko‘ra, uning qiymati milliardlab dollarga teng.

Saddl-Rij xazinasi

2013-yilda yer ostiga ko‘milgan 1400 dan ortiq oltin tanga topilgan. Bu AQSh tarixidagi eng qimmat tangalar xazinalaridan biri hisoblanadi.

Hoksen xazinasi

1992-yilda Angliyada topilgan. Unda 15 mingdan ortiq rim tangalari va yuzlab zargarlik buyumlari mavjud bo‘lgan.

“Chyornaya Lebed” xazinasi

Atlantika okeani tubidan ko‘tarilgan ushbu xazina yarim milliondan ortiq kumush va oltin tangalardan iborat bo‘lgan.

Shri-Padmanabhasvami ibodatxonasi xazinasi

Shri Padmanabhasvami ibodatxonasi yerosti omborlarida aniqlangan boyliklar qiymati o‘nlab milliard dollar deb baholanadi. Unda oltin haykallar, tangalar va zargarlik buyumlari saqlangan.

Baktriya oltini

Afg‘onistonda topilgan ushbu boylik tarkibida 20 mingdan ziyod oltin buyum bor. U Markaziy Osiyoning eng muhim arxeologik xazinalaridan hisoblanadi.

Priam xazinasi

Nemis arxeologi Genrix Shliman tomonidan topilgan. Ushbu xazina tarkibida oltin taqinchoqlar, idishlar va boshqa noyob buyumlar mavjud.

Satton Hu xazinasi

1939-yilda Angliyada topilgan mazkur boylik zaxirasi Angliyaning ilk o‘rta asrlar tarixini o‘rganishda muhim ahamiyatga ega bo‘lgan.

Sezareya suvosti xazinasi

Sezareya sohillari yaqinidan minglab oltin tangalar topilgan. Bu dengiz tubidan topilgan eng yirik tangalar xazinalaridan biri hisoblanadi.

Eng qimmat xazina qaysi?

Mutaxassislarning fikricha, Shri Padmanabhasvami ibodatxonasida saqlanayotgan boyliklar qiymati bo‘yicha tarixdagi eng katta xazina hisoblanadi. Ayrim baholashlarga ko‘ra, uning umumiy qiymati 20–30 milliard dollardan ham yuqori bo‘lishi mumkin.

Akbar Fathullayev