Xitoy o‘z fuqarolarini Eronga sayohat qilishdan tiyilishga va mamlakatda bo‘lganlarni iloji boricha tezroq ketishga chaqirdi, deb xabar berdi The Global Times. 

«Erondagi hozirgi xavfsizlik holatini hisobga olgan holda, Xitoy Tashqi ishlar vazirligi, shuningdek, Xitoy elchixonasi va konsulliklari fuqarolarga Eronga sayohat qilishdan tiyilishni eslatadi», deb xabar berdi gazeta TIVning Konsullik ishlari departamenti bayonotidan parcha keltirgan holda. 

WSJ Jenevadagi muzokaralardan keyin AQSh va Eron o‘rtasidagi kelishmovchiliklar davom etayotganini xabar qildi. 

Unda «Eronda bo‘lgan Xitoy fuqarolari xavfsizlik choralarini kuchaytirishlari va mamlakatni iloji boricha tezroq tark etishlari kerak» deb ta’kidlangan. 

Nashrning ta’kidlashicha, Xitoy elchixonasining Eron va qo‘shni davlatlardagi konsulliklari tijorat reyslari yoki quruqlik yo‘nalishlari orqali mamlakatdan chiqib ketishni istagan Xitoy fuqarolariga zarur yordam ko‘rsatadi. 

Kecha Jenevada AQSh va Eron o‘rtasidagi muzokaralarning uchinchi bosqichi bo‘lib o‘tdi. WSJ manbalarga tayanib xabar berishicha, bu bosqich tomonlar o‘rtasidagi kelishmovchiliklarni hal qila olmagan. 

«Eron yadro dasturi bo‘yicha yaqinda bo‘lib o‘tgan muzokaralar bosqichi kelishuvsiz yakunlandi; tomonlar asosiy masalalar bo‘yicha ikkiga bo‘linganligicha qolmoqda», deb ta’kidladi nashr.