Yaqinda ishdan haydalgan hokim qamoqqa olindi
Andijon viloyati Izboskan tumanining sobiq hokimi Serobiddin Ismoilov hibsga olindi. U yaqinda ishdan bo‘shatilgandi.
Kun.uz xabariga ko‘ra, u noqonuniy qarorlar chiqarib, yer maydonlarining talon-toroj qilinishiga yo‘l qo‘yganlikda gumonlanmoqda.
Qayd etilishicha, sobiq hokim 20 dekabr kuni Jinoyat kodeksining 205, 229-4-moddalari bilan jinoyat ishida gumon qilinuvchi sifatida jalb etilgan hamda Jinoyat protsessual kodeksining 221-moddasiga asosan ushlanib, hibsxonaga joylashtirilgan.
Ismoilov Izboskan tumaniga 2018 yildan beri rahbarlik qilib kelayotgandi. U 10 dekabr kuni prezident maslahatchisi o‘rinbosari hamda viloyat hokimi Shuhrat Abdurahmonov boshchiligida o‘tkazilgan sessiyada ishdan olingandi.
Serobiddin Ismoilov 2017-2018 yillarda viloyat hokimining o‘rinbosari lavozimida ham ishlagan.
Eslatib o‘tamiz, oldinroq bir qator amaldorlar qamoqqa olingani xabar qilingandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter