Behruz Karimov faoliyatini Shveysariya klubida davom ettiradi
O‘zbekiston milliy jamoasi himoyachisi Behruz Karimov «Surxon»dan Shveysariyaning «Lugano» klubiga o‘tdi. Bu haqda O‘zbekiston futbol assotsiatsiyasi xabar berdi.
U O‘zbekiston terma jamoasi tarkibida jahon chempionatida debyut qilib, o‘yinlari bilan muxlislar va mutaxassislar e’tiborini qozongan edi.
Behruz Karimov kecha 19 yoshga to‘ldi (2007-yil 7-avgustda tug‘ilgan). U futbolchilik faoliyatini Odil Junior akademiyasida boshlagan, keyin «Olimpik» safida o‘ynagan. 2025-yil fevral oyida «Surxon»ga qo‘shilgan edi.
«Lugano» klubiga 1908-yilda asos solingan. Jamoa Shveysariya chempionatini uch marta, mamlakat kubogini esa to‘rt marta qo‘lga kiritgan.
«Lugano» 2025/2026-yilgi mavsumda milliy chempionatni 4-o‘rinda yakunladi va yangi mavsumda UYeFA Konferensiyalar ligasida ishtirok etadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter