«Sport TV» Kopa Amerika translyasiyasini qo‘lga kiritdi
«Sport TV» Janubiy Amerikaning eng nufuzli futbol musobaqasi — Kopa Amerika turnirini namoyish etadi. Bu haqida telekanal direktori Zoxid Karimov tvitterdagi sahifasida ma’lum qilgan.
«Endi rasman e’lon qilishimiz mumkin, «Sport TV» 2019-yilgi Kopa Amerika turnirini ko‘rsatadi.
Umid qilamizki, Janubiy Amerika terma jamoalari ishtirokidagi musobaqa tomoshabinlarimizga yoqadi. Lekin bu hali hammasi emas...», — deya yozadi Zohid Karimov.
Ma’lumot: 2019-yilgi Kopa Amerika musobaqasi 14-iyundan 7-iyulga qadar Braziliyada o‘tkazilishi rejalashtirilgan. E’tiborli tomoni, ushbu musobaqada ishtirok etishga Osiyodan ikki jamoa — Yaponiya va Qatar terma jamoalari taklif etilgan.
Aynan shu ikki jamoa Osiyo Kubogi-2019 musobaqasi finalida kuch sinashgan va Qatar 3:1 hisobida g‘alaba qozonib, tarixda ilk bor Osiyo chempioni bo‘lgan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter