Turkiyada rossiyalik va ukrainalik futbolchilar o‘rtasida janjal yuz berdi
Turkiyaning Antaliya shahridagi mehmonxonalardan birida Rossiyaning «Shinnik» va Ukrainaning «Minay» klubi futbolchilari ishtirokida ommaviy mushtlashuv sodir bo‘ldi.
Ikkala futbol klubi ham u yerda mavsumoldi tayyorgarlik mashg‘ulotlarini o‘tkazishmoqda.
Baza nashrining yozishicha, mojaro «Minay» futbolchilari «Shinnik» vakiliga Ukraina madhiyasini kuylashni talab qila boshlaganidan keyin boshlangan. Tomonlar birga bir mushtlashuv tarzida muammoni yechmoqchi bo‘lgan, biroq mehmonxona xodimlari janjalni to‘xtatgan.
Biroz vaqt o‘tgach, Ukraina klubi futbolchilari rossiyaliklar bilan ommaviy mushtlashib ketishgan. Hozir mehmonxonada politsiya navbatchilik qilmoqda.
«Shinnik» matbuot xizmati futbolchilar o‘rtasida mushtlashuv bo‘lganini tasdiqladi. Klub yaqin orada bu haqda bayonot berishini ma’lum qilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter