Туркияда россиялик ва украиналик футболчилар ўртасида жанжал юз берди
Туркиянинг Aнталия шаҳридаги меҳмонхоналардан бирида Россиянинг «Шинник» ва Украинанинг «Минай» клуби футболчилари иштирокида оммавий муштлашув содир бўлди.
Иккала футбол клуби ҳам у ерда мавсумолди тайёргарлик машғулотларини ўтказишмоқда.
База нашрининг ёзишича, можаро «Минай» футболчилари «Шинник» вакилига Украина мадҳиясини куйлашни талаб қила бошлаганидан кейин бошланган. Томонлар бирга бир муштлашув тарзида муаммони ечмоқчи бўлган, бироқ меҳмонхона ходимлари жанжални тўхтатган.
Бироз вақт ўтгач, Украина клуби футболчилари россияликлар билан оммавий муштлашиб кетишган. Ҳозир меҳмонхонада полиция навбатчилик қилмоқда.
«Шинник» матбуот хизмати футболчилар ўртасида муштлашув бўлганини тасдиқлади. Клуб яқин орада бу ҳақда баёнот беришини маълум қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter