Xalqaro futbol uyushmalari assotsiatsiyasining navbatdagi yig‘ilishida futbolga bir qator muhim qoidalar kiritildi. Ekspertlar ayrim qoidalarni tuzatib, muammoli ba’zi masalalarga aniqlik kiritib oldishdi.

O‘zgarishlar ro‘yxati:

• Urilgan golga ta’siri bo‘lgan qo‘lda o‘ynash jazolanadi — atayinmi yo bexosdanmi, farqi yo‘q.
• Zaxiraga maydonning istalgan chetidan chiqib ketish mumkin. Endi butun maydonni kesib o‘tish shart emas.
• Jarima tepilayotganida hujum chizig‘i o‘yinchilari devorga qo‘yilmaydi. Bu raqib o‘yinchilari bilan turtkilashlarning oldini olish uchun ko‘rilgan chora.
• Darvozadan tepiladigan to‘p endi faqat jarima maydonining ichkarisida o‘rnatiladi.
• O‘n bir metrli zarba tepilayotganida darvozabonlarga darvoza chizig‘ida ilgaridek ikki oyoqda emas, bir oyoqda turishga ham ruxsat beriladi.
• O‘yin payti to‘p hakamga kelib tegsa bahsli to‘p o‘ynaladi. Hozirgacha bunga amal qilinmayotgandi.
• Sariq va qizil kartochkalar endi murabbiylarga ham ko‘rsatiladi. Odatda ular og‘zaki yoki ishora bilan jazolanayotgandi.

Bu o‘zgarishlar 2019-yilning 1-iyunidan kuchga kiradi. Ya’ni kelgusi mavsumdan o‘zgarishlarga guvoh bo‘lamiz.

Bu o‘zgarishlar qo‘llangan ilk o‘yinlarni esa Portugaliyada 5 — 9-iyun kuni o‘tkaziladigan Millatlar ligasi finalida ko‘rishimiz mumkin. Asosiy sovrin uchun Angliya, Gollandiya, Shveysariya va Portugaliya terma jamoalari kuch sinashadi.