Gaz qazib olish biz o‘ylagandan ko‘ra ancha mashaqqatli ish. Masalan, konni shunchaki burg‘ulab qo‘yib, asrlar davomida ishlata olmaymiz. Tabiiy gaz yer qa’ridan turli kondensatlar, zaharli birikmalar, suv va boshqa qo‘shimchalar bilan birga chiqadi. Uni tozalab, sifatini tobiga keltirish lozim. Shuningdek, vaqt o‘tgani sari konda gaz bosimi ham tushib boraveradi.

Prezident Shavkat Mirziyoyev Surxondaryo viloyatining Boysun tumanida bo‘lib, «Mustaqillikning 25 yilligi» gaz-kimyo majmuasi qurilishi bilan tanishdi.

Biz taom tayyorlash yoki choy qaynatish uchun bitta gugurt chaqib osongina yoqib yuboradigan gaz qancha mashaqqat evaziga xonadonimizga yetib kelishini bilamizmi? Ba’zan shunday bo‘ladiki, undan foydalanib bo‘lgach o‘chirib qo‘yish yoddan ko‘tariladi, yoki chiroq bo‘lmaganda shunchaki uyni salgina yoritish uchun yoqib qo‘yadiganlar ham bor.

Qarshi shahridan G‘uzor tomon yurib, tuman markaziga 10 chaqirimcha qolganda o‘ngga burilsangiz, Qashqadaryo cho‘llari bag‘riga kirib ketasiz. Avvaliga bu cho‘lga sira o‘xshamaydi, tekis yo‘l, chetlari esa daraxtzor. «O‘zbekneftgaz» yigitlarining mehnati samarasi bu, daraxtlarni lozim bo‘lganda yuk mashinasida suv tashib sug‘orishgan.