Газ қазиб олиш биз ўйлагандан кўра анча машаққатли иш. Масалан, конни шунчаки бурғулаб қўйиб, асрлар давомида ишлата олмаймиз. Табиий газ ер қаъридан турли конденсатлар, заҳарли бирикмалар, сув ва бошқа қўшимчалар билан бирга чиқади. Уни тозалаб, сифатини тобига келтириш лозим. Шунингдек, вақт ўтгани сари конда газ босими ҳам тушиб бораверади.

Президент Шавкат Мирзиёев Сурхондарё вилоятининг Бойсун туманида бўлиб, «Мустақилликнинг 25 йиллиги» газ-кимё мажмуаси қурилиши билан танишди.

Биз таом тайёрлаш ёки чой қайнатиш учун битта гугурт чақиб осонгина ёқиб юборадиган газ қанча машаққат эвазига хонадонимизга етиб келишини биламизми? Баъзан шундай бўладики, ундан фойдаланиб бўлгач ўчириб қўйиш ёддан кўтарилади, ёки чироқ бўлмаганда шунчаки уйни салгина ёритиш учун ёқиб қўядиганлар ҳам бор.

Қарши шаҳридан Ғузор томон юриб, туман марказига 10 чақиримча қолганда ўнгга бурилсангиз, Қашқадарё чўллари бағрига кириб кетасиз. Аввалига бу чўлга сира ўхшамайди, текис йўл, четлари эса дарахтзор. «Ўзбекнефтгаз» йигитларининг меҳнати самараси бу, дарахтларни лозим бўлганда юк машинасида сув ташиб суғоришган.