Kanadada bo‘lib o‘tgan ikki kunlik uchrashuvdan so‘ng «Katta yettilik» (G7) tashqi ishlar vazirlari birgalikdagi bayonot chiqarib, Rossiyaga nisbatan iqtisodiy xarajatlarni oshirishini va Moskva urushini moliyalashtirayotgan shaxslar va tuzilmalarga qarshi choralar ko‘rish imkoniyatlarini o‘rganayotganini ma’lum qildi.

AQSh va uning an’anaviy ittifoqchilari, jumladan Kanada o‘rtasida mudofaa xarajatlari, savdo, prezident Donald Trampning G‘azoda o‘t ochishni to‘xtatish rejasi va Ukrainadagi urushni to‘xtatish bo‘yicha sa’y-harakatlar masalasida keskinlik kuchaydi.

«Katta yettilik» davlatlari (Buyuk Britaniya, Germaniya, Italiya, Kanada, Fransiya, Yaponiya va AQSh) Ukrainani qo‘llab-quvvatlashni davom ettirishga kelishib oldilar va agar Moskva o‘t ochishni to‘xtatishdan bosh tortsa, Rossiyani qo‘shimcha sanksiyalar haqida ogohlantirdi.

«Yettilik» sayti ma’lumotiga ko‘ra, sammit 13-15-iyun kunlari bo‘lib o‘tadi.