Канадада бўлиб ўтган икки кунлик учрашувдан сўнг «Катта еттилик» (G7) ташқи ишлар вазирлари биргаликдаги баёнот чиқариб, Россияга нисбатан иқтисодий харажатларни оширишини ва Москва урушини молиялаштираётган шахслар ва тузилмаларга қарши чоралар кўриш имкониятларини ўрганаётганини маълум қилди.

АҚШ ва унинг анъанавий иттифоқчилари, жумладан Канада ўртасида мудофаа харажатлари, савдо, президент Дональд Трампнинг Ғазода ўт очишни тўхтатиш режаси ва Украинадаги урушни тўхтатиш бўйича саъй-ҳаракатлар масаласида кескинлик кучайди.

«Катта еттилик» давлатлари (Буюк Британия, Германия, Италия, Канада, Франция, Япония ва АҚШ) Украинани қўллаб-қувватлашни давом эттиришга келишиб олдилар ва агар Москва ўт очишни тўхтатишдан бош тортса, Россияни қўшимча санкциялар ҳақида огоҳлантирди.

«Еттилик» сайти маълумотига кўра, саммит 13-15 июн кунлари бўлиб ўтади.