«Катта еттилик» Россияга қарши санкцияларни кучайтириш билан таҳдид қилмоқда
«Катта еттилик» давлатлари (Буюк Британия, Германия, Италия, Канада, Франция, Япония ва АҚШ) Украинани қўллаб-қувватлашни давом эттиришга келишиб олдилар ва агар Москва ўт очишни тўхтатишдан бош тортса, Россияни қўшимча санкциялар ҳақида огоҳлантирди.
22 май куни эълон қилинган баёнотда айтилишича, агар Россия ўт очишни тўхтатмаса, «Катта еттилик» давлатлари «барча мумкин бўлган вариантларни ўрганишда давом этади, жумладан, санкцияларни янада кучайтиради».
«Катта еттилик» вакиллари Россияга қарши қаратилган чора сифатида мамлакат нефт экспортига нархлар чегарасини кучайтиришни муҳокама қилдилар», – деб ёзади The New York Times.
Шунингдек, баёнотда «Катта еттилик» давлатларининг Украинанинг ҳудудий яхлитлиги ва яшаш ҳуқуқини, шунингдек, адолатли ва мустаҳкам тинчлик йўлидаги эркинлигини, суверенитети ва мустақиллигини ҳимоя қилишда содиқ эканлиги айтилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter