Prezidentning joriy yil 25-yanvardagi tegishli Farmoni bilan hukumatga bo‘ysunadigan mustaqil vazirlik va idoralar soni jami 26 ta etib belgilandi. Ular tarkibiga kirgan barcha qo‘mitalar, agentliklar va inspeksiyalar bilan birgalikda jami 69 tani tashkil qilmoqda.

Prezidentning ma’muriy islohotlarga oid «Respublika ijro etuvchi hokimiyat organlari faoliyatini samarali yo‘lga qo‘yishga doir birinchi navbatdagi tashkiliy chora-tadbirlar to‘g‘risida»gi Farmoni bilan vazirlik va idoralarning markaziy apparatlari hamda hududiy bo‘linmalarida tarkibiy bo‘linmalar nechta shaklda bo‘lishi belgilab berilmoqda.

Ma’muriy islohotlarning navbatdagi bosqichini amalga oshirish maqsadida imzolangan Prezidentning tegishli Farmoniga ko‘ra, aazirlik va idoralarda budjet va nobudjet mablag‘laridan moliyalashtiriladigan jami 17 447 ta boshqaruv va ishlab chiqarish shtat birliklari qisqartirilmoqda.