PQ–49-son qaror bilan 2026-yil 1-martdan «mahalla yettiligi» xulosasiga asosan Ijtimoiy reyestrdagi I guruh nogironligi bo‘lgan va mehnatga layoqatli a’zosi bo‘lmagan oilalar xonadonlarining devor va tomlarini izolyasiya qilish, energiya tejamkor deraza va eshik hamda quyosh panellari yoki geliokollektor o‘rnatish ishlari amalga oshiriladi.

Vazirlar Mahkamasining 32-son qarori bilan ayrim Hukumat qarorlariga o‘zgartirish va qo‘shimchalar kiritildi.

Boshlang‘ich ta’lim o‘qituvchilari uchun 2026/2027 o‘quv yilidan boshlab milliy sertifikat berish tizimi amaliyotga joriy etilishi mumkin.

O‘zbek tilining mamlakatda va xalqaro miqyosdagi obro‘-e’tiborini oshirish, yoshlarni vatanparvarlik, milliy an’ana va qadriyatlarga sadoqat ruhida tarbiyalash maqsadida O‘zbek tili va adabiyot fanidan milliy sertifikat imtihonlarida yuqori ball olganlarga imtihon xarajatlarini qoplab berish rejalashtirilmoqda.

Prezident videoselektor yig‘ilishida “O‘zbek tili va adabiyoti” fani o‘qituvchilariga ham xalqaro sertifikatga ega bo‘lgan boshqa fan o‘qituvchilaridan kam bo‘lmagan miqdorda qo‘shimcha haq to‘lanishi adolatdan bo‘lishini ta’kidladi.