ПҚ–49-сон қарор билан 2026 йил 1 мартдан «маҳалла еттилиги» хулосасига асосан Ижтимоий реестрдаги I гуруҳ ногиронлиги бўлган ва меҳнатга лаёқатли аъзоси бўлмаган оилалар хонадонларининг девор ва томларини изоляция қилиш, энергия тежамкор дераза ва эшик ҳамда қуёш панеллари ёки гелиоколлектор ўрнатиш ишлари амалга оширилади.

Вазирлар Маҳкамасининг 32-сон қарори билан айрим Ҳукумат қарорларига ўзгартириш ва қўшимчалар киритилди.

Бошланғич таълим ўқитувчилари учун 2026/2027 ўқув йилидан бошлаб миллий сертификат бериш тизими амалиётга жорий этилиши мумкин.

Ўзбек тилининг мамлакатда ва халқаро миқёсдаги обрў-эътиборини ошириш, ёшларни ватанпарварлик, миллий анъана ва қадриятларга садоқат руҳида тарбиялаш мақсадида Ўзбек тили ва адабиёт фанидан миллий сертификат имтиҳонларида юқори балл олганларга имтиҳон харажатларини қоплаб бериш режалаштирилмоқда.

Президент видеоселектор йиғилишида “Ўзбек тили ва адабиёти” фани ўқитувчиларига ҳам халқаро сертификатга эга бўлган бошқа фан ўқитувчиларидан кам бўлмаган миқдорда қўшимча ҳақ тўланиши адолатдан бўлишини таъкидлади.