AQShda ishlayotgan, asli Xo‘jayli tumanidan bo‘lgan hamyurtimiz Faxriddin Pirlepesov Qoraqalpoq davlat universitetiga taklif qilinganligi haqida avval xabar berib o‘tgan edik,-  deb yozadi kruz.uz.

Faxriddin Pirlepesov Qoraqalpog‘iston Respublikasi Xo‘jayli tumanida tug‘ilgan. 1989-1994-yillar davomida Nizomiy nomidagi Toshkent davlat pedagogika instituti fizika-matematika fakultetining «Fizika va astronomiya fani o‘qituvchisi» ta’lim yo‘nalishida, 1996-1998-yillari O‘zbekiston Respublikasi Fanlar akademiyasining Yadro institutida aspiranturada o‘qigan.

O‘z ustida tinimsiz ishlab, ingliz tilini mukammal darajada o‘zlashtiradi va 1998-yili AQShdagi Texas universitetining Fizika fakultetiga ishga chaqirildi.

U 2005-yili o‘zining ko‘p yillik ilmiy ishlari natijasida «PHD» ilmiy darajasiga erishdi. Shundan keyin u Texas universiteti nevrologiya fakultetining «TRAVEL» mukofotiga sazovor bo‘ldi. Shuningdek, Tibbiyotdagi fiziklarning Amerika assotsiatsiyasi, «Sigma Xi», ilmiy kuzatish Amerika fiziklari uyushmasi, Amerika statistika assotsiatsiyasining a’zosi hisoblanadi, deya xabar beradi karsu.uz.