Yevroittifoq AQSh bojlariga javob berishga tayyor – Yevrokomissiya rahbari
Yevrokomissiya rahbari AQSh hukumati joriy qilgan savdo bojlarini «butun dunyo biznesi va iste’molchilariga jiddiy zarba» deb atadi.
Uning qo‘shimcha qilishicha, ko‘plab yevropaliklar o‘zlarining eng qadimgi ittifoqchilari tomonidan xiyonatga uchraganini his qilishgan, ammo Yevropa javob berishga tayyor va hozirdanoq birinchi qarshi choralar paketini tayyorlamoqda.
«Biz javob berishga tayyormiz. Allaqachon AQShning po‘lat importi uchun tariflariga qarshi javob choralarining birinchi paketini kelishib oldik. Biz muzokaralar muvaffaqiyatsizlikka uchragan taqdirda o‘z manfaatlarimiz va biznesimizni himoya qilish uchun navbatdagi qarshi choralarga tayyorgarlik ko‘rayapmiz. Lekin muqobil yo‘l bor, muzokaralar olib borishga hali kech emas», – deydi Ursula fon der Lyayen.
Eslatib o‘tamiz, bir muddat oldin Tramp ma’muriyati dunyo bo‘ylab jami 187 ta mamlakatga nisbatan import bojlarini e’lon qilgan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter