Besh yillik sulh: HAMAS guruhi yangi bayonot bilan chiqdi. 

 Harakat G‘azodagi urushni to‘xtatish, barcha garovga olinganlarni ozod qilish va besh yillik o‘t ochishni to‘xtatish rejimini o‘rnatishga tayyor, deb yozadi BBC. 

 Isroil bu taklifga hozircha izoh bermadi. 

HAMAS delegatsiyasi Misr vositachilari bilan 18 oylik urushni tugatish yo‘llari bo‘yicha muzokaralar o‘tkazish uchun Qohiraga keldi. Avvalroq harakat vakili Misrda o‘t ochishni to‘xtatish bo‘yicha “yangi g‘oyalar” haqida gaplashishini aniqlagan edi. Ayni paytda, bu Isroilning asosiy talablaridan biri bo‘lishiga qaramay, qurol-yarog‘ yetkazish masalasi muhokama qilinmayapti. 

Isroil tomoni oxirgi marta 17-aprelda garovga olingan 10 kishini ozod qilish evaziga 45 kunlik otashkesim taklif qilgan edi. Biroq XAMAS bu yechimni “qisman” deb atadi va o‘z yechimini taklif qildi – Isroil qo‘shinlari G‘azo sektoridan olib chiqib ketilishi va BMTGA insonparvarlik yordami ko‘payishi bilan urushni “to‘liq” to‘xtatishni taklif qildi.

 Isroil, o‘z navbatida, 2023-yil oktyabr hujumi chog‘ida garovga olingan barcha odamlarni qaytarishni va HAMASni qurolsizlantirishni talab qilmoqda. 

Mart oyida G‘azo sektoridagi urush ikki oylik sulhdan so‘ng qayta boshlandi. Falastin Sog‘liqni saqlash vazirligi ma’lumotlariga ko‘ra, G‘azo urushi qurbonlari soni 51 495 kishiga yetdi. 

2023-yil 7-oktyabrdagi hujumda esa 1200 ga yaqin odam halok bo‘ldi. 250 dan ortiq odam o‘g‘irlab ketilgan, ulardan 58 nafari hamon G‘azoda saqlanmoqda.