Ligon 68 yildan so‘ng qamoqdan chiqishga qaror qildi
AQShda eng keksa va eng ko‘p turmada saqlangan jinoyatchi deb taxmin qilinayotgan Jou Ligon ozodlikka chiqdi. 68 yillik qamoqdan so‘ng uni qo‘yib yuborishdi. U hibsga olinganida atigi 15 yoshda bo‘lgan, deya xabar berdi CNN telekanali.
Ligon 1953-yilda qo‘lga tushgan: o‘spirin Filadelfiya ko‘chalarida talonchilik va qotillik bilan shug‘ullangan to‘dada qatnashgan. U ikkita qotillikda aybdor deb topildi. U bir marta pichoq bilan odamga hujum qilganiga iqror bo‘lgan, ammo qotillikni tan olmagan.
«1953-yilda ushbu jinoyatlarni sodir etgan bolakay endi yo‘q. 2021 yilda turmadan chiqqan odam 83 yoshda. U ulg‘aydi, o‘zgardi va endi hech kimga xavf solmaydi», — dedi Ligonning advokati.
Keksa amerikalikni 2016 va 2017-yillarda ozodlikka chiqarishmoqchi bo‘lishgan. Lekin unga taqdim etilgan erkinlik shartlaridan bosh tortgan: u hech qanday kuzatuvlarsiz ozod qilinishni xohladi va, oxir-oqibat, 2021-yilda bu niyatiga yetdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter