AQSh Davlat kotibi Marko Rubio O‘zbekistonga keladi.

U oktyabr oyining o‘rtalarida Samarqandga keladigan 100 dan ortiq Amerika kompaniyalari delegatsiyasiga boshchilik qiladi. Bu haqda 24-sentyabr kuni Hindistondagi AQSh diplomatik vakolatxonasi saytida e’lon qildi.

​Tashrif AQSh va Markaziy Osiyo mamlakatlari o‘rtasidagi strategik sheriklikni rivojlantirish, shuningdek, ikki tomonlama diplomatik, savdo va iqtisodiy hamkorlikni kengaytirishga qaratilgan.

​Samarqandda Rubio Qozog‘iston, Qirg‘iziston, Tojikiston, Turkmaniston va O‘zbekiston vakillari bilan tashqi ishlar vazirlarining C5+1 uchrashuvida ishtirok etadi.

​Tomonlar mintaqaviy iqtisodiy aloqalarni rivojlantirish, energiya xavfsizligini mustahkamlash va C5+1 formatida umumiy mintaqaviy muammolarni hal qilishda qo‘shma yondashuvlarni muhokama qilishni rejalashtirmoqdalar.

​Tashrif davomida Rubio shuningdek, O‘zbekiston rahbariyati va mintaqaviy mamlakatlar vakillari bilan uchrashuvlar o‘tkazadi.

​Amerika missiyasi Davlat departamenti rahbarining bo‘lajak tashrifini 100 dan ortiq Amerika kompaniyalarini o‘z ichiga oladigan biznes delegatsiyasining kattaligi tufayli tarixiy deb atadi.