Qirg‘iziston prezidenti Sadir Japarov Qo‘shma Shtatlardagi Vandenberg havo kuchlari bazasidan sun’iy yo‘ldosh uchirish marosimida ishtirok etdi.

Qirg‘iziston Respublikasi o‘zining birinchi milliy sun’iy yo‘ldoshini Yerning quyi orbitasiga uchirdi. Prezident Sadir Japarov AQShga tashrif davomida Kaliforniyadagi Vandenberg havo kuchlari bazasida bo‘lib o‘tgan uchirish marosimida qatnashgan.

Uchish Qirg‘iziston va Birlashgan Arab Amirliklari o‘rtasidagi qo‘shma loyiha doirasida SpaceX Falcon 9 raketasi tomonidan amalga oshirildi.

Kosmik kema orbitaga bir guruh sun’iy yo‘ldoshlar tarkibida uchirildi. U Bishkekda joylashgan maxsus Missiyani boshqarish markazidan boshqariladi.

Natijada olingan sun’iy yo‘ldosh tasvirlari va ma’lumotlari Qirg‘izistonning davlat raqamli tizimlari va superkompyuterlari bilan birlashtiriladi. Ular muzliklar, yaylovlar va suv resurslarini kuzatish, foydali qazilmalarni noqonuniy qazib olishni aniqlash va tabiiy ofatlarni (sel, ko‘chkilar, qurg‘oqchilik va yong‘inlar) prognoz qilish uchun mo‘ljallangan.