Чехиянинг энг кекса фуқароси 109 ёшида вафот этди
Чехия Республикасининг энг кекса фуқароси Мария Голикова 109 ёшида вафот этди. Аёл Жанубий Моравия вилоятида жойлашган Ближковице қишлоғида оламдан ўтди. Бу ҳақда қишлоқ оқсоқоли Шарка Ежкова «Москва 24»га берган интервюсида маълум қилди.
«Мария Голикова уйида — қариндошларининг ёнида ҳаётдан кўз юмди. Жанжал унга мутлақо бегона бўлган, ҳаммага ёрдам беришга ҳаракат қилган», — деди Ежкова.
Қишлоқ оқсоқолининг сўзларига кўра, Голикова меҳрибонлиги ва самимийлиги билан ҳурмат қозонган. Бундан ташқари, аёл ҳеч қачон чекмаган ва ичкиликка ҳам ружу қўймаган.
Голикова Ближковице қишлоғида дунёга келган ва бутун ҳаётини ўша ерда ўтказган. Унинг отаси армияга чақирилган. У Биринчи жаҳон уруши фронтларида бедарак кетганда қизча эндигина уч ёшга тўлганди. Онаси уч болани ёлғиз ўзи тарбиялаган, Мария оилада тўнғич фарзанд бўлган.
Энди Чехиянинг энг кекса фуқароси Прагада истиқомат қилувчи 108 ёшли аёл ҳисобланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter