«Энг самарали» дори: австриялик олим 15 йилдан бери коронавирусга қарши вакцина устида ишламоқда
Йозеф Пеннингер.
Австриялик иммунолог ва генетик Йозеф Пеннингер коронавирусга қарши «энг самарали» дори ишлаб чиқаётганини маълум қилди. «Gazeta.ru» ёзишича, бу дори нафақат вирусни ўлдиради, балки асорат ҳам қолдирмайди.
Олим ушбу дори устида 15 йилдан бери, 2002—2005 йиллардаги коронавирус (SARS) тадқиқотлари маълумотларига асосланиб, изланиш олиб бормоқда.
Пеннингер 2020 йилнинг март ойидаёқ коронавирус жуда хавфли эканидан огоҳлантирганди.
«Биз ҳозир клиник синовларнинг 2-босқичидамиз, дорининг кучини билишимиз жуда муҳим. Бу мутлақо соф тадқиқот, бизда қисқартиришлар бўлмайди», — деди Пеннингер.
Агар дори синовдан яхши ўтса, 2020 йил қишида рўйхатга олинади.
«Бизнинг вакцинамиз, биринчидан, вирусни блоклайди — вирус тарқалишини минг карра қисқартира оламиз. Иккинчидан, ферманент фаоллигига эга вакцина инсон аъзоларини (ўпка, юрак, тиззалар) ҳимоялайди. Яъни дорига икки хусусиятни жойладик», — таъкидлади австриялик генетик.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter