«Европа Иттифоқи бизни масхара қиляпти». Трамп Европага савдо уруши эълон қилди
Доналд Трамп 1 июндан бошлаб Европа Иттифоқининг барча товарларига 50 фоизлик бож жорий этилишини маълум қилди. У бу ҳақда ўзининг Truth Social платформасида ёзган ва Брюсселни савдога адолатсиз ёндашишда айблаган.
«Европа Иттифоқи бизни масхара қилмоқда. Йилига 250 миллиард доллардан ортиқ савдо камомадини мутлақо қабул қилиб бўлмайди», – деди у.
Трамп Европа Иттифоқи билан музокаралар боши берк кўчага кирганини, яъни «қаттиқ чоралар кўриш зарурлигини» айтди. Аввалроқ, 9 апрелдан бошлаб, АҚШ Европа товарларига 20 фоиз, автомобилсозлик ва пўлат каби соҳалар учун эса 25 фоиз тарифларни жорий қилган эди. Янги – 50 фоизгача ўсиш эса Европа Иттифоқининг барча экспортига таъсир қилади. Трампнинг чиқишидан сўнг, биржа индекслари кескин тушиб кетди. Жумладан, DAX 2,5 фоизга тушган.
Эслатиб ўтамиз, кеча Трамп Apple компанияси учун ҳам юқори тарифдаги бож билан таҳдид қилгани хабар қилинган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter