«Флойд иши» бўйича айбланаётган собиқ полициячи Дерек Чавен 40 йилгача қамалиши мумкин
Собиқ полициячи Дерек Чавенга ўлдирилган афроамерикалик Жорж Флойд иши бўйича қўйилган айблов оғирлаштирилди.
Хабар беришларича, энди уни иккинчи даражали қотилликда айблашяпти. Миннесота маҳаллий қонунларига кўра, у, айбдор деб топилса, 40 йилгача қамалиши мумкин, деб ёзмоқда CNN.
Эслатиб ўтамиз, қўлга олиш чоғи юзтубан ётган Флойднинг бўйнини айнан Чавен оёғи билан босиб турган, кейинчалик Флойд касалхонанинг жонлантириш бўлимида оламдан ўтган эди. Воқеа видеоси интернетда тарқагач, АҚШнинг кўплаб шаҳарларида оммавий тартибсизликлар юзага келди.
Миннеаполис мэри ва полиция бошлиғи афроамерикаликнинг ўлимини ҳеч қанақасига оқлаб бўлмаслигини таъкидлаб, бу ирқий камситиш оқибатида юз берган қотиллик дейишган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter