АҚШ президенти Доналд Трамп ташаббуси билан ташкил этилган Тинчлик Кенгаши Ғазо секторини қайта тиклаш режасини тақдим этди. Уни амалга ошириш учун 2,45 миллиард доллар керак бўлади.

BBC хабарига кўра, кенгаш ҳозирда 280 миллион доллар маблағга эга эканлигини тан олди, Ғазо секторини ўн йил ичида тўлиқ қайта тиклаш учун эса 71,4 миллиард доллар керак бўлади.

БМТ Бош Ассамблеясида тақдим этилган режа 66 та лойиҳадан иборат бўлган олти ойлик дастурдир. Булар орасида вайроналарни тозалаш, шифохоналарни таъмирлаш, вақтинчалик уй-жойлар қуриш, электр энергияси ва сув таъминотини тиклаш, чиқиндиларни олиб чиқиш ва хавфсизлик кучларини жойлаштириш кабилар бор. Кенгаш ижроия қўмитаси аъзоси Жаред Кушнер тақдимотнинг мақсади кенгашнинг қайта тиклаш режасини амалга оширишга «қатъий мажбуриятини» намойиш этиш эканлигини айтди.

Кушнер лойиҳа «турли сабабларга кўра кечикишларга» дуч келаётганини тан олди. Ғазо ижроия қўмитасининг яна бир аъзоси, АҚШнинг тинчлик бўйича махсус элчиси Стив Уиткофф кенгаш сўнгги бир йил ичида «ҳақиқий тараққиётга» эришганини айтди. «Барча гаровга олинганлар уйларига қайтишди. Ўт очишни тўхтатиш амал қилмоқда, гарчи у мукаммал бўлмаса-да, лекин у мавжуд», дея қўшимча қилди у.

Тинчлик Кенгаши 2025 йил ноябр ойида ташкил этилган ва БМТ Хавфсизлик Кенгаши резолюцияси билан тасдиқланган. Янги ташкилотнинг низоми 2026 йил январь ойида Давосда имзоланган. У Ғазода ўтиш даври маъмурияти учун БМТ мандатини олди ва у ерга тартибни сақлаш ва жангари гуруҳларни қуролсизлантириш учун Халқаро беқарорлаштириш кучларини жойлаштирди. Кенгашга қарийб 30 та давлат аъзо (улар орасида Ўзбекистон ҳам бор).