Жо Байден ҳамда Путин учрашадиган жой ва сана аниқланди
АҚШ президенти Жо Байден ва Россия президенти Владимир Путин ўртасидаги учрашув 16 июнь куни Женевада ташкил этилади. Бу ҳақда Оқ уй матбуот котиби Жен Псаки хабар берди.
Ушбу учрашув икки президентнинг илк юзма-юз мулоқоти бўлади. Қайд этилишича, давлат раҳбарлари АҚШ-Россия муносабатлари, глобал муаммолар бўйича фикр алмашадилар.
Мазкур учрашув бир нечта халқаро саммитлар доирасида бўлиб ўтиши режалаштирилган.
Эслатиб ўтамиз, аввалроқ Байден ва Путин ўртасида матбуот орқали тортишув юзага келганди. Байден Россия президентини 2020 йилда бўлиб ўтган Америка сайловларга аралашгани учун жавоб бериши керак, деганди.
Путин Байденнинг бу сўзларига ҳазиломуз, лекин аччиққина жавоб қайтарганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter