Лукашенко Зеленский билан муҳим масалада учрашиш истагини билдирди
Беларус президенти Александр Лукашенко Украина етакчиси Владимир Зеленский билан музокара ўтказишни хоҳлашини айтди.
Бу ҳақда Лукашенко “Россия 1” телеканалига берган интервьюсида маълум қилди.
"Мен у билан гаплашишни истардим. Унга айтадиган гапим бор. Менимча, маслаҳатлашувга киришиш вақти келди. Россия армияси барча жабҳалардаги йирик аҳоли пунктларини назоратга олди ва уларни тўхтатиш қийин бўлади", - деди Лукашенко.
Лукашенконинг фикрича, Зеленский “тўхтамаса, бутун Украинани йўқотади”.
“Украина можароси бўйича яхши таклифлар бор, уларни АҚШ президенти Доналд Трамп ҳам эшитган”, — деди Лукашенко.
Россия Украинага ҳужум қилгач, Киевнинг Беларус билан муносабатлари кескин ёмонлашди. Украина қўшнисини Россия ҳужуми учун шароит яратишда айблади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter