АҚШ Давлат котиби Марко Рубио Ўзбекистонга келади.

У октябр ойининг ўрталарида Самарқандга келадиган 100 дан ортиқ Америка компаниялари делегациясига бошчилик қилади. Бу ҳақда 24 сентябрь куни Ҳиндистондаги АҚШ дипломатик ваколатхонаси сайтида эълон қилди.

​Ташриф АҚШ ва Марказий Осиё мамлакатлари ўртасидаги стратегик шерикликни ривожлантириш, шунингдек, икки томонлама дипломатик, савдо ва иқтисодий ҳамкорликни кенгайтиришга қаратилган.

​Самарқандда Рубио Қозоғистон, Қирғизистон, Тожикистон, Туркманистон ва Ўзбекистон вакиллари билан ташқи ишлар вазирларининг C5+1 учрашувида иштирок этади.

​Томонлар минтақавий иқтисодий алоқаларни ривожлантириш, энергия хавфсизлигини мустаҳкамлаш ва C5+1 форматида умумий минтақавий муаммоларни ҳал қилишда қўшма ёндашувларни муҳокама қилишни режалаштирмоқдалар.

​Ташриф давомида Рубио шунингдек, Ўзбекистон раҳбарияти ва минтақавий мамлакатлар вакиллари билан учрашувлар ўтказади.

​Америка миссияси Давлат департаменти раҳбарининг бўлажак ташрифини 100 дан ортиқ Америка компанияларини ўз ичига оладиган бизнес делегациясининг катталиги туфайли тарихий деб атади.