Непалда 229 нафар шахси аниқланмаган қурбон дафн этилди
Непалдаги ҳалокатли сув тошқинларидан сўнг шахсини аниқлаш имкони бўлмаган 229 нафар қурбон дафн этилди. Дафндан олдин улардан ДНК намуналари олиниб, ҳар бир жасадга идентификация рақами берилган.
29 август ҳолатига кўра, мамлакатда камида 626 киши ҳалок бўлган, қарийб 2,5 минг киши бедарак йўқолган.
Энг оғир вазият Читван округида кузатилмоқда. У ерда 233 нафар қурбоннинг жасади топилган. Айрим жасадлар сув оқими билан қарийб 100 километргача оқиб кетгани сабабли уларни таниб олиш жуда қийинлашган.
Терговчилар қурбонларни кийим-кечак, тақинчоқ, бармоқ излари ва татуировкалар орқали аниқлашга уринмоқда. Бу усуллар натижа бермаса, ДНК таҳлилидан фойдаланилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter