Ўқимаётган ва ишламаётган мигрантлар Россияда қолиши мумкин эмас — Медведев
«Мигрантларнинг оила аъзолари Россия ҳудудига шунчаки келмаслиги керак». РФ Хавфсизлик кенгаши раисининг ўринбосари Дмитрий Медведев Давлат миграция сиёсати йиғилишида шундай деди.
«Буни ҳаммага қаттиқ эслатиш керак. Мамлакатимиз ҳудудида бўлиб туриб ўқимаётган ва ишламаётган шахслар мамлакатимизни тарк этиши шарт», — деди у.
Медведев мигрантларнинг оилалари Россияга келиши махсус назорат остида бўлиши шартлигини таъкидлади.
Унинг фикрича, Россияда этник анклавлар пайдо бўлишига йўл қўймаслик керак, бу экстремизмга замин яратади. «Ким нима мақсадда келди, қаерда ишлаяпти ва яшаяпти, Россия жамиятига интеграциялашувга тайёрми — буни аниқ билишимиз лозим», — деди Медведев.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter