Полша президентлиги учун сайловда консерватор ғалаба қозонди — матбуот
Карол Навроцкий.
Полша президентлиги учун кеча, 1 июн куни бўлиб ўтган сайловнинг иккинчи турида консерватор ва евроскептик Карол Навроцкий ғалаба қозонди. Бу ҳақда дастлабки маълумотларга асосланиб мамлакат матбуоти ёзмоқда.
Хусусан, Давлат сайлов комиссиясининг 2 июн эрталаб соат бешдаги маълумотига асосланиб Gazeta Wyborcza ва TVN24 телеканали хабар беришича, овозларнинг 50,89 фоизини Навроцкий қўлга киритган, ҳукмрон коалиция ва либераллардан номзод Рафал Тшасковский тўплаган овозлар — 49,11 фоиз.
Фото: Euro Topics
Навроцкийнинг ғалабаси сабабли Полшанинг Европа Иттифоқи ва Украина билан муносабатлари заифлашиши, шунингдек, консерватор-президент ва либерал ҳукумат ўртасида ички сиёсий инқироз юз бериши мумкин.
Навроцкий Украинанинг НАТОга қабул қилинишига ҳамда қўшни мамлакатни Европа Иттифоқига шошилинч аъзо қилиш ҳаракатларига қарши бўлиб келган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter