Португалиянинг афсонавий хазиналар кемаси қолдиқлари топилди
Мадагаскар яқинида чўкиб кетган кема қолдиқлари Португалиянинг Nossa Senhora do Cabo кемасига тегишли экани археологлар томонидан аниқланди, деб хабар берди LiveScience.
Кема 1721 йилда Гоа (Ҳиндистон)дан чиқиб, Лиссабонга йўл олган. Улкан хазина ортилган кема бортида вице-қирол ва архиепископ ҳам бўлган. Ушбу хазина қиймати, бугунги ҳисоб-китобларга кўра, 138 млн доллардан ошиши мумкин эди.
Денгиздаги довул оқибатида ожиз қолган кемани қароқчилар эгаллаб, ўлжани Мадагаскардаги қароқчилар уяси — Сент-Мари оролига олиб кетишган.
Тарихий кема ҳалокатларини асраш маркази (АҚШ) тадқиқотчилари кема қолдиқларини 16 йил ўрганишди. Археолог Марк Агостинининг айтишича, сув остидан 3 300 дан ортиқ буюм олиб чиқилди. Кема тузилиши, тарихий қўлёзмалар ва топилмалар таҳлили бу чиндан ҳам Nossa Senhora do Cabo эканлигини тасдиқлайди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter