Путин кутилмаганда Херсон вилоятига борди
![Путин кутилмаганда Херсон вилоятига борди](http://static.xabar.uz/crop/2/1/720_460_95_219507251.jpg)
Россия президенти Владимир Путин кеча, 17 апрел куни Днепр қўшинлари гуруҳининг Херсон йўналишидаги қароргоҳига ташриф буюрди. Бу ҳақда Кремль сайтида хабар берилган.
Давлат раҳбари штабда Ҳаво-десант қўшинлари қўмондони, генерал-полковник Михаил Теплинский, Днепр кучлари гуруҳи қўмондони, генерал-полковник Олег Макаревич, шунингдек, бошқа ҳарбий раҳбарларнинг ҳисоботларини тинглаган.
Путин Украинанинг эгаллаб олинган Херсон вилоятига биринчи марта ташриф буюрди. Аввалроқ у март ойида Мариуполга борганди.
Маълум қилинишича, Путин Херсонга вертолётда борган, шундан сўнг у машинада бир неча туманларни айланиб чиққан.
Ушбу ташриф бугунга қадар сир тутилди. Кремль матбуот котиби Дмитрий Песков Путиннинг бу сафари дастлаб режалаштирилмагани ва ўз-ўзидан содир бўлганини айтди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter