Путин ва Трамп Хитойда учрашиши мумкин
Россия ва АҚШ президентлари Владимир Путин ва Дональд Трампнинг сентябрда Хитойда учрашиши эҳтимоли истисно қилинмайди. Бу ҳақда Россия президенти матбуот котиби Дмитрий Песков маълум қилди.
“Биз Пекинга сафарга тайёрланмоқдамиз. У ҳақиқатдан давлат раҳбарининг кун тартибида бор. Бироқ биз президент Трамп ҳам бу ерга бормоқчи эканини эшитмадик”, - деди Кремль вакили.
Песков Трамп Хитойга ташриф буюрган тақдирда учрашув ўтказиш масалани муҳокама қилиш мақсадга мувофиқ бўлишини қўшимча қилди.
Аввалроқ Британиянинг “The Times” газетаси ўз манбаларига таянган ҳолда сентябрь бошида Пекинда Россия президенти Владимир Путин, АҚШ президенти Дональд Трамп ва Хитой раиси Си Цзиньпин қўшма учрашув ўтказиши мумкинлиги ҳақида ёзганди. Нашр маълумотларига кўра, учрашув Иккинчи жаҳон уруши якунланганининг 80 йиллигига тўғри келиши мумкин. Владимир Путин Хитойга ташриф буюришини тасдиқлаган. Унинг Си Цзиньпин билан музокаралари 2 сентябрга мўлжалланган
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter