Руминия собиқ президенти вафот этди
Руминиянинг собиқ президенти Ион Илиеску вафот этди.
95 ёшли Илиескунинг ўлими ҳақида Руминия ҳукумати маълум қилди, деб хабар беради TVR Info.
Агриппа Ионеску клиник шифохонасининг хабар беришича, Илиеску 9 июн куни бўлимга ётқизилган ва 57 кун давомида шифокорлар "унга керакли парвариш ва даволаш ишларини олиб бориб, барча саъй-ҳаракатларини амалга оширганлар".
Илиеску Руминияни 1990-1996 ва 2000-2004 йилларда бошқарган.
1989 йил декабр ойида Николае Чаушеску қатл этилгандан сўнг, у Миллий Нажот фронти етакчиларидан бирига айланди ва ўтиш даври ҳукуматини амалда бошқариб, режим ўзгаришида муҳим рол ўйнади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter