Шимолий Македонияда етти кунлик мотам эълон қилинди
Шимолий Македонияда етти кунлик мотам эълон қилинди, деб хабар берди The Guardian.
Эслатиб ўтамиз, 16 март кечаси Кочани шаҳридаги тунги клубда ёнғин чиқиб, жуда кўп ёшлар ҳалок бўлганди. Ҳозирча мавжуд маълумотларга кўра, қурбонлар сони 59 нафарга етган.
Мамлакат полицияси воқеа юзасидан 20 кишини тергов қилмоқда, уларнинг 15 нафари ҳибсга олинган, қолганлари шифохонага тушган. Шимолий Македония ички ишлар вазирлиги баёнотига кўра, ёнғин юз берган Pulse клуби тегишли лицензиясиз фаолият олиб борган.
Маълумотларга кўра, Pulse тунги клубидаги концертга келиб ёнғинда ҳалок бўлганларнинг аксарияти ўсмирлар ва ёшлар бўлган. 155 дан ортиқ инсон жароҳат олган, уларнинг кўпчилиги жуда оғир аҳволда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter