Швециядаги шаҳарни каламуш босиб кетди
Швециянинг Сандсволл шаҳрини каламуш босиб кетди. Бу ҳақда «Hurriyet» хабар бермоқда.
«The Local» нашрининг ёзишича, Сандсволл шаҳридаги каламушлар ўрмондаги турдошларидан кескин фарқ қилади.
Шаҳар мулозимларидан Бенни Сагмо: «Булар (каламушлар) ўрмондаги турдошларидан кескин фарқ қилади. Булар мушукка тенг», — деган.
Шаҳар аҳолисига эшик ва деразаларни маҳкамлаб юриш ва кўчаларга озиқ-овқат қолдиқлари ташламаслик тавсия этиляпти.
Мактабларда ўқувчиларга танаффус пайти таълим муассасасидан ташқарига чиқмасликлари бўйича топшириқ берилди.
Айни пайтда шаҳарнинг турли нуқталарига қопқонлар қўйиб чиқиляпти.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter