У икки марта умрбод қамоқ жазосига ҳукм қилинган.

Полиция уни 16 январь куни Палермода ҳибсга олганди, у ерда Денаро кимётерапиядан ўтмоқчи бўлган.  Сўнгги йилларда йўғон ичак саратонининг оғир шаклидан азият чеккан «Коза Ностра» етакчиларидан бири қарийб 30 йилдан буён қидирувда эди.

1993 йилда Денаро дунёдаги энг хавфли ўнта жиноятчилар рўйхатига киритилган.

Мафия бошлиғи ўзи туғилиб ўсган Сицилиядаги Кастелветрано шаҳрида дафн этилиши кутилмоқда, деб хабар берди Rai News телеканали.

У ҳақида нималар маълум:

• Денаранинг отаси ҳам мафия аъзоси бўлган ва ўғлига 14 ёшидан қурол ишлатишни ўргатган (ёш мафия ўзининг биринчи қотиллигини 18 ёшида содир этган);
• У жиноий доираларда отасининг рақиби ва ҳомиладор рафиқасини ўлдиргач танилган;
• Маттео Мессина Денаро қурбонлари сони бир неча ўнлаб кишини ташкил этади (бу у шахсан ўлдирганлар сони);
• Италиялик ҳуқуқ-тартибот идоралари ходимларининг сўзларига кўра, у Рим, Флоренция ва Миланда амалга оширилган бир нечта портлашларда иштирок этган;
• Полиция, шунингдек, Денарога болаларнинг ўлдирилиши, жумладан мафия аъзоси, расмийлар билан ҳамкорлик қилган Сантино ди Маттеонинг 12 ёшли ўғлини қатл қилиш айбловини қўйган;
• Денаронинг қурбонлари рўйхатида, шунингдек, мамлакатдаги икки таниқли ҳуқуқ посбони (судья ва прокурор) Жованни Фалконе ва Паоло Борселлинони ҳам бор.