Ҳиндистонда сиёсатчи ва унинг укаси жонли эфирда отиб ташланди. Бу ҳақда DW хабар тарқатди.

Ҳужум мамлакат шимолидаги Праяграж шаҳрида содир этилган.

2019 йилдан бери қамоқда ўтирган парламент собиқ депутати Aтик Aҳмадга жонли эфирда ўзини журналист сифатида кўрсатган қуролли шахслар яқин масофадан ўқ узган, сўнгра полиция томонидан шифохонага олиб кетилган. Шунингдек, унинг укаси ҳам қуролли ҳужумга учраган. 

«Дастлабки маълумотларга кўра, ўзини журналист сифатида кўрсатган уч киши уларга яқинлашиб, ўт очган... Ҳужум қилганлар қўлга олиниб, сўроққа тутилган», — деди полиция матбуот котиби Прашант Кумар.

Уттар-Прадеш штати ҳукумати қотилликлардан кейин юзага келиши мумкин бўлган зўравонлик тартибсизликларини кутган ҳолда, бутун штат бўйлаб тўртдан ортиқ одам йиғилишини тақиқлади.

Маҳаллий матбуотга кўра, Aҳмад сўнгги йилларда ўнлаб ишларда, жумладан одам ўғирлаш, қотиллик ва товламачиликда айбланган. Жорий йилнинг март ойида маҳаллий суд уни ва яна икки кишини одам ўғирлаш иши бўйича умрбод қамоқ жазосига ҳукм қилган.