СССР собиқ раҳбари фахрий унвондан маҳрум этилди
Днепр (собиқ Днепропетровск) ҳокимияти СССРни 1964-1982 йилларда бошқарган Леонид Брежневни шаҳарнинг фахрий фуқароси унвонидан маҳрум қилди.
Бу ҳақда шаҳар мэри Борис Филатов ўзининг Телеграм-каналида маълум қилди.
«Шаҳар кенгашининг 2023 йилдаги сўнгги сессияси якунлари ҳақида қисқача: Леонид Брежнев Днепрнинг фахрий фуқароси унвонидан маҳрум этилди», — деб ёзади мэр.
Брежнев ҳозирги Днепр вилоятида туғилган. Бир неча йил давомида у Днепропетровск вилоят қўмитасининг биринчи котиби бўлди.
Эслатиб ўтамиз, Украина декоммунизация доирасида Брежневни Киев шаҳри фахрий фуқароси унвонидан маҳрум этганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter