Трамп даврида Россия НАТОга ҳужум қилмайди – The Washington Post
Гаагада бўлиб ўтган НАТО саммитининг асосий сессиясида Доналд Трамп «Россия у президент бўлганида НАТОга ҳеч қачон ҳужум қилмаслигига ваъда берди», деб ёзади The Washington Post Европанинг уч расмий вакилига таяниб.
Саммитнинг асосий мавзуси НАТО мудофаа харажатларини ялпи ички маҳсулотнинг 5 фоизигача ошириш бўлиб, бу борада иттифоқ аъзолари келишиб олдилар. Бундан ташқари, Трамп саммитда Украина президенти Владимир Зеленский билан учрашди.
Трампнинг сўзларига кўра, суҳбат давомида улар ўт очишни тўхтатиш масаласини муҳокама қилмаган — у Зеленский билан шунчаки «вазият қандайлигини билмоқчи бўлган». Кейинроқ Украина президенти ҳам «жанг майдонидаги вазият ҳақида гаплашганини» айтди.
Саммитнинг якуний декларациясида ҳам Украинадаги уруш ҳақида сўз юритилмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter