Россия Украинанинг қақшатқич ҳужумига жавоб беради. Бу ҳақда РФ раҳбари Владимир Путин АҚШ президенти Доналд Трамп билан суҳбат чоғида маълум қилган. 

Трамп Путин билан Россия аэродромларига ҳужумларни муҳокама қилганини айтди. Путин эса унга "жавоб беришга мажбур бўлишини" айтган. 

АҚШ президенти Доналд Трамп 4 июн куни Россия етакчиси Владимир Путин билан гаплашгани ва Украинанинг Россия стратегик самолёти уриб туширилиши билан якунланган “Ўргимчак тўри” операциясини муҳокама қилганини айтди. 

"Россия президенти Владимир Путин билан телефонда гаплашдим. Қўнғироқ тахминан 1 соат 15 дақиқа давом этди. Биз Украинанинг Россия самолётларига ҳужумини, шунингдек, ҳар икки томон амалга оширган бошқа турли ҳужумларни муҳокама қилдик", деб ёзди у Truth Social ижтимоий тармоғидаги аккаунтида. 

Трампнинг айтишича, бу яхши суҳбат бўлган, бироқ “зудлик билан тинчликка олиб келадиган суҳбат эмас”. 

 "Президент Путин яқинда аэродромларга уюштирилган ҳужумга жавоб беришга мажбур бўлишини жуда зўр айтди. Шунингдек, биз Эрон масаласини ва унинг ядровий қурол бўйича қарор қабул қилиши учун вақт ўтиб бораётганини, буни тезда қабул қилиш кераклигини муҳокама қилдик", — дея қўшимча қилди Трамп.