Трампнинг бош ҳарбий маслаҳатчиси «Ой атрофидаги урушлар»га тайёрланишга чақирди
АҚШ ҳарбийлари нафақат Ер орбитасида, балки Ой атрофида ҳам жанговар операцияларга тайёргарлик кўришлари керак. Бу ҳақда Президент Доналд Трампнинг бош ҳарбий маслаҳатчиси генерал Дэн Кейн гапирди.
Авиация, космик ва киберхавфсизлик бўйича конференцияда сўзлаган генерал Кейннинг сўзларига кўра, Қўшма Штатлар ҳозирданоқ «денгиз тубидан ой космосигача жанг қилишга, омон қолишга ва ғалаба қозонишга тайёр» бўлишга мослашиши керак.
«Инсоният космосга чуқурроқ кириб борар экан, Космик күчларнинг вазифаси АҚШ манфаатларини ҳимоя қилишга тайёргарлик кўришга ёрдам беришдир», деб қўшимча қилди Космик күчлар қўмондонлиги бошлиғи генерал-лейтенант Грегори Гагнон (Associated Press томонидан иқтибос келтирилган).
Аввалроқ АҚШ ҳаво күчлари бошлиғи Трой Мейнке мамлакатнинг космосни бошқариш имконини берувчи қуроллари борлигини айтган.
Унинг қўшимча қилишича, Вашингтон космосдаги нишонларни кузатиш ва ушлаш устида ишламоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter