Туркиянинг Малатя шаҳрида 5,3 магнитудали зилзила содир бўлди
Туркия соғлиқни сақлаш вазири Фаҳреттин Кожанинг Twitter’да ёзишича, зилзила оқибатида 23 киши тан жароҳати олган.
«Малатяда 22 ва Адияманда 1 киши, жами 23 нафар фуқаромиз йиқилиш ёки баландликдан сакраш натижасида жароҳат олди», – дея ёзган Фаҳреттин Кожа.
Зилзила оқибатида аҳоли қўрқиб кўчага чиққан. Туркия табиий офатларни бошқариш бошқармаси зилзила 7 км чуқурликда содир бўлганини маълум қилди.
«Ҳозирда вазиятни ўрганиш давом этмоқда. Қадимги ташландиқ бино қулаб тушгани ва бир неча фуқароларимиз ваҳима ичида балкондан сакрагани ҳақида хабар олдик», — дейди Малатя губернатори.
Одамларга ёрдам бериш учун жами 21 та тез тиббий ёрдам машинаси ва 7 та қутқарув гуруҳи сафарбар этилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter