Вэнс Эрон урушидан кўзланган икки асосий мақсадни айтди
Вашингтоннинг Эрон билан можарода иккита асосий мақсади бор: америкаликлар учун энергия нархларини паст даражада ушлаб туриш ва Эроннинг ядровий қуролга эга бўлишининг олдини олиш. Бу ҳақда АҚШ вице-президенти Ж.Д. Вэнс гапириб ўтди.
«Биринчи мақсад - бутун мамлакатимиз бўйлаб америкаликлар учун нефт ва газни арзон сақлаш», деди Вэнс Fox News телеканалига берган интервьюсида.
У шунингдек, иккинчи мақсадни «Эрон ҳеч қачон ядровий қуролга эга бўлмаслигини» таъминлаш сифатида тилга олди.
Вице-президент Қўшма Штатлар Эрон билан можародан кучлироқ позицияда чиқишига ишонч билдирди.
«Менимча, бу Қўшма Штатларни кучлироқ позицияда қолдиради, чунки Эрон ядровий қуролга эга бўлмайди ва Ҳўрмуз бўғози Америка халқи учун нефт ва газ нархлари барқарор бўлган ҳолатга қайтади», деди Вэнс.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter