Замбия президентига жоду қўллашда айбланганлар суд қилинмоқда
Замбия президенти Ҳакаинде Ҳичилема.
Замбия президентига зиён етказиш мақсадида жоду билан шуғулланиш ва тумор сақлаганликда айбланган икки эркак судга тортилди, деб хабар берди CBS.
Ушбу воқеа Жанубий Африканинг айрим жойларида сеҳр-жодунинг турли шаклларига ишонч ҳамон сақланиб қолгани ва у жиноий тус олганидан далолат беради, деб ёзди нашр.
Суд жараёнида сиёсий ўйинлар яққол акс этиб турибди. Прокурорларга кўра, икки жодугар-айбланувчини ҳозир қочқинда юрган собиқ депутат Эммануэл Банданинг укаси ёллаган. Мақсад Замбия президенти Ҳакаинде Ҳичилемага зиён етказиш бўлган. Президентнинг ўзи воқеага муносабат билдирмади.
Замбиядаги айрим сиёсатчилар ва жамоат арбоблари сеҳр-жодуга ва унинг ёрдамида кучлироқ ва машҳурроқ бўлиш мумкинлигига ишонишади.
Ҳичилеманинг ўзи ҳам мухолифи — собиқ президент Майкл Сата билан сайловдаги пойгада жоду қўллашда гумон қилинган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter