Британияликнинг ўғирланган машинаси Африкада топилди
Жимми Мандей.
Британиялик 44 ёшли Жимми Мандейнинг уйи олдидан ўғирлаб кетилган £50 минглик (66,5 минг долларлик) Range Rover автомобили Африкада топилди деб ёзди The Sun.
Ахборот технологиялари бўйича маслаҳатчи бўлиб ишловчи Мандей машинасига ҳар эҳтимолга қарши Apple AirTag трекерини ўрнатиб қўйганди.
«Мен уни харитада кузатдим: машина Ўрта Ер денгизини кесиб ўтди, Сувайш каналидан ўтди, Миср, Судан, Жанубий Судан ва Угандадан сўнг охири Танзанияга бориб тўхтади», — деди автоуловидан айрилган британиялик.
Фото: The Sun
Полиция маълумотларига кўра, Шарқий Африкадан тушган буюртма бўйича бунақа автомобилларни ўғирлаш кўп учрайди: у ерлардаги маҳаллий элита рули ўнг томонли машиналарга ишқибоз.
Мандейнинг машинаси ҳалиям Танзанияда, трекер кўрсатишича, доим бир йўналишда бориб келяпти.
Британияликнинг дўстлари буни кино қилиш мумкин деб ҳазил қилишди. У эса қачондир машинасини қайтариб олишдан умидини узгани йўқ.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter