Volkswagen ID.3 электромобили қайта қувватлантирилмасдан 531 км йўл босди
Volkswagen ID.3 электр хэтчбеги бир марта қувватлантириш орқали 531 км йўл босишга муваффақ бўлди. Бу моделнинг расман эълон қилинган 420 км масофадан 111 км ортиқ. Бу ҳақда 28 август куни бўлиб ўтган матбуот анжуманида олмон бренди маълум қилди.
Хетчбэк Германиянинг Цвиккау шаҳридан йўлга чиқиб, Швейцариянинг Шаффхаузен шаҳрида тўхтаган. Тахминан соатига 56 км тезлик билан ҳаракатланган автомобиль 9 соат йўл юрган.
Йўлнинг тахминан 44 фоизи автотрасса, қолган қисми эса қишлоқ кўчаларидан иборат бўлган.
Volkswagen ID.3 автомобили 204 от кучига эга электр мотор билан жиҳозланган. Хетчбэк турган жойидан 7,3 сонияда тезлигини соатига 100 км.гача ошириши мумкин. Максимал тезлиги 160 км/соатни ташкил этади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter